名模熊黛林（Lynn）晚上出席珠宝酒会时，提到旧爱郭富城荣升爸爸，Lynn会否送上祝福？Lynn带寸说：“你哋祝福佢就够，多一个唔多，少一个唔少。（B女似城城应该好靓女，想唔想睇吓？）冇乜想唔想！（唔好奇？）自己咁多嘢都理唔切，仲会理人哋啲嘢咩？（系咪以后凡系城城嘅嘢都唔多想理？）总之只会理老公（郭可颂）嘅嘢，第二啲人冇乜兴趣。（老公听到好冧？）等佢冧吓啰！（系老公意思定你意思？）我一向都系咁，唔系得一个EX（前度），个个系咁，一视同仁！（冇得做番朋友？）冇，完全冇联络，（因为个个分手都唔开心？）我性格系咁。（可以好绝？）系，睇唔出呢？”
现场她配戴了一条价值超过7,000万港元的钻石颈链，单是主石重达40多卡，闪爆登场的她表示想据为己有，更笑谓笑老公正在储钱中，她说：“自己拥有最大嘅钻石就系求婚戒指，几多卡唔紧要，最紧要心意。（如果生BB再送更大粒钻石？）冇讲生BB，老公话如果品牌赚到钱，买好大粒畀我，任我拣。（冇上限？）睇下卖成点，不过我会锡住佢荷包。”她透露与老公创立的运动品牌反应不俗，穿着起来视觉上身材更靓。她说稍后会出埠旅行叉电。而十月生日的Lynn，自爆不想收老公的惊喜礼物，她说：“通常系惊多过喜，男仔眼光唔同女仔，试过有次送咗份好唔同嘅礼物畀我，折礼物时我滴汗，忍唔住话‘以后唔好畀惊喜我’。件礼物唔系我style，放咗喺一个地方当作纪念。”
